Themenportfolio-Owend vam Cycle 4.1.

2013-12-11

Van 18.00 Auër bis 20.30 Auër haaten d'Kanner aus dëm Cycle 4.1. op een Themenportfolio-Owend zum Thema "Biärger" invitéiërt.

Eltren, Grousseltren a Frënn han sich am Hall vam Centre culturel afond, wou d'Kanner hir Portfolioën ausgestalt a presentéiërt han, déi sie an deene lest Wochen mat hirëm Léierpersonal zesaamegestalt haaten.

An hire Portfolioën han d'Kanner ënner Beweis gestalt, dat sie sich intensiv mam Thema Biärger ausernee gesatt haaten, an dat sie sich lo gudd virbereed an déi verdingte Skivakanz op de Wee kanne maën.

An dër Photosgallerie heidrënner krët dër ee klengen Abléck an daat waat sich dën Owend zu Wëntger zougedroo hat.

Ee Samsdig um 7.00 Auër moiës ass ët da sou wäit an eise Cycle 4.1. brëcht op an d'Skivakanz am Ahrntal a Südtirol.

Wen o hei am Bild wëllt bleiwen waat d'Kanner do erliäwen, dee kann dëst an hirëm Internettagebuch noliäsen, daat deeglich à jour soll gesatt giän.
Een direkte Link op dë Wiki an dem d'Internettagebuch publizéiërt gët fand dër hei:

Traurig Nooriicht vam Doud vam Vasco

2013-12-10

Lo graad kruute mër déi traurig Nooriicht, dat de Vasco leider dën Owend um 7.00 Auër aa senger Krankheet gestuärwen ass.
Dëm Vasco senger Famill drécke mër van dëser Platz aus eist oprichtigt Bäileed aus a wënschen hir vill Courage fir d'Zukunft.

Hëllef fir de Vasco

2013-12-08

De Vasco, ee klenge portugiesische Jung, den eise Cycle 1 beséicht, leid well säit längerer Zäit aan enger Tumeur, déi nëmmen schwéiër ze traitéiren ass.

All Traitementer han nët déi gewënschte Resultater braacht, mam Resultat, dat de Vasco lo een Traitement an Däitschland wärt matmaën, den ewer nët iwer eis Krankekees finanzéiërt gët.

An enger 1. Phase kast dën Traitement 15.000 €, déi d'Eltren beim Aafank van dër Behandlung mussen op dën Dësch lee'ën.

Vu, dat ët sich hei ëm eng grouss Zomm handelt hat d'Communauté portugaise ee Spendenoprouf lancéiërt fir dëm Vasco seng Famill finanziell zë ënnerstëtzen.

Déteiler fand dër am PDF ënnendrënner.
De Kontosnummer op dem dër o een Geste fir de Vasco a seng Famill kannt maën ass dee folgenden: IBAN BCEE LU68 0019 4255 3337 4000.

Merci fir Är finanziell a moralisch Ënnertsëtzung!

Bazar vam Foyer Eislécker Heem den 15. Dezember 2013

2013-12-08

De 15. Dezember hält de "Foyer Eislécker Heem" säin tarditionelle Bazar am Centre cultutrel bei dër Wëntger Schoul aaf.
Hei giän Bastelarbichten van dë Behënnerten a van de Kanner aus dër Wëntger Schoul verkooft. Verschidde Bastelaarbichten sën sougaar va Behënnerten a Kanner aus dër Wëntger Schoul mateneen zu Lëlljen am Foyer entstann. Op 3 Nomëtticher haaten nämlich 3 Schoulklassen aus dër Wëntger Schoul d'Geleegenheet d'Bewaaner vam Foyer an de Foyer selwer besser kennen ze léiren.

Mër hoffen, dër fand de 15. Dezember de Wee op Wëntger fir de Foyer finanziell a moralisch bei hire Projet'ën zë ënnerstëtzen.

Bei enger gemittlicher Adventsstëmmung trëtt iwrigens am Loof vam Nomëttich de Percussiounsgrupp "Tosa" aus dëm Foyer op. Losst Eech daat nët entgoën.

Mër free'ën äis op äre Besuch!

Am PDF na dën Dépliant vam Bazar.

A wen intresséiërt ass bësse méi iwert de Besuch van eise Schoulkanner zu Lëlljen gewaar ze giän, dee kann d'Photosgallerie hei drënner opmaën!

Skivakanz vam Cycle 4.1.

2013-11-18

Dëst Joor faaren eis Klassen aus dëm Cycle 4.1. an d'Skivakanz, an dëst vam 14. Dezember bis zum 20. Dezember.

D'Destinatioun ass wéi am Virjoor rëm St. Johann am Ahrntal.

We méi iwert dën Hôtel an d'Schigebidd wëll wossen, de kann op déi folgend 2 Linken kucke goën.

Eise Kanner an hirem Léierpersonal wënsche mër van dëser Platz aus well eng schéin an erholsam Vakanz. Wen méi van dë Kanner aus dër Vakanz wëll gewaar giän, de kann während dem aagekënnigten Zäitraum bëssen am Internettagebuch liäsen, daat d'Kanner während hirëm Openthalt op eiser Homepage veröffentliche wärten.

Wen direkt op eist Internettagebuch wëllt luusse goën waat sich an eiser Vakanz sou deet, dee kann ab dem 15. Dezember de Link "Internettagebuch aus dër Skivakanz 2013" opmaën, den dër hei drënner fand, oder dër gitt op de WIKI "Ausflüge" a wiällt dann do deen entsprechenden Ausflug aus.

Mër free'ën äis op äre Besuch!