News
Annette Langen an dër Schoul um Kiemel
2017-03-20Mat dër Kannerbouchautorin Annette Langen hat de Bibliosgrupp fir den 20. an 21. März eng Damm op Wëntger invitéiërt, déi mëttlerweil well baal 100 Kannerbéicher geschriwen hat.
Bei äis mëcht sie 7 Lesungen aus: "Ritter Wüterich und Drache Borste" & "Neue Briefe von Felix"
We mat dëm Naam Annette Langen näischt aafänke kann, den hat ewer fläicht well eppes van dër Béicherserie "Briefe von Felix" héiren.
Wann dër méi iwert d'Madame Langen an hir Béicher wëllt wossen, da klickt einfach op dë Link hei drënner.
A wann dër an engt Webbouch zum Thema "Neue Briefe von Felix" wëllt rakucken, daat d'Aurélie aus dër Klass 2.1.B an dër Aarbicht hat, da klickt op dë Link "Neue Briefe von Felix".
Wen an eng Virliäsung wëllt raluussen, dee kann de Storyboard ënnendrënner opmaën, dern an dë kommenden Deeg na wärt kommentéiërt giän.
No sengem Besuch hat de Felix äis dann o well ee Bréif geschriwen!!!
Vill Spaass beim Liäsen!
Brief_Felix_Wincrange_002.pdf
Worldcafé: Zukunft vun der Bildungspraxis "Um Kiemel"
2017-03-14Ennert dem uäwe genannte Motto hat ee Samsdig, den 11. März eng Austauschronn tëscht Vertreter van dër Gemeng, dër Schoul, dër Maison relais an Vertreter van dër Eltrevereenigung am Veräinssall zu Nidderwampich statt fond.
Zum genauën Aafloof vam Daag liwre mër Eech na een detailléiërte Rapport wann d'Resultater van dësem intressanten a konstruktiven Austausch ausgewert sën.
Hei kann Dër Eech ewer well paar Photoën aakucken, déi ee klengen Abléck an dë "Worldcafé" liweren.
Changement d'horaire vam Helzer Bus
2017-02-20D’Schüler von Helzen mussen den Bus wiesselen no der Foosvakanz, d.h. si komme vom Bananebus(n° 7) an de Faarwebus(n° 8). Den Bushoraire ännert och fir dës Kanner.
Am Anhang fand Dër déi nei Horairen fir déi Helzer Kanner.
IMAGINE - Photoën vam Theaterstéck
2017-02-01Wen intresséiërt ass fir Photoë vam Theaterstéck "Imagine" ze kucken, daat dën Team 3C den 1. Februar opgefouërt hat, de brauch nëmme folgend Galerie opzemaën.
Vill Spaass!
» Galerie
Imagine, den 1. Februar 2017
2017-01-27D'Team 3C spillt ee Mëttwoch, den 1. Februar d'Theaterstéck "IMAGINE", daat d'Kanner zesaamen mat hirëm Léiërpersonal an engem Vertreter van dër "Theaterschoul" astudéiërt han. Am Stéck sën d'Acteuren op dër Séich no där perfekter Welt a reesen durch verschidden Zäitepochen.
Niäwent dëm Theaterspill kommen o d'Frënn vam Zirkus op hir Kästen.
Um 10.15 Auer ass déi ischt Virstellung a mëttes um 14.10 gët d'Stéck dann eng zweet Kéiër am Centre culturel zu Wëntger opgefouërt. Dën Entrée mat engem Stéck Kouch am Präis abegraff ass 1 €. Méi Kouch gët zu engem Präis van 50 Cent / Stéck verkooft.
Dën Erléis vam Theater ass integral fir "Télévie" bestëmmt.
