Kanner aus dëm Cycle 4.2, déi dëst Joor eis Schoul verlossen

2017-07-06

An dër Galerie fand dër sämtlich Klassephotoën van de Kanner aus dëm Cycle 4.2, déi um Lëtzebuerger Owend geschoss goufen.

Am PDF-Dokument fand dër d'Photoën an d'Neem van de Kanner, déi dëst Joor eis Schoul Um Kiemel verlossen.

Summerfest 2017

2017-07-06

Och dëst Joer fënnt eist Summerfest rem Freides no der Schoul statt. Ënnert dem Motto “Baurenhaff” starte mir de 7.Juli 2017 vu 16h00 Auer un bis 21h00 Auer. Direkt ab 16.00 Auer lafen déi verschidden Aktivitéiten an och fir d’Iessen a Gedrénks ass bestens gesuergt.

Mir wëllen Iech drun erënneren datt während desem Fest d’Responsabilitéit fir Ärt Kand bäi Iech läit. Kënn Dir als Elteren, aus wéi engem Grond och ëmmer, nët um Summerfest present sinn, fiert Ärt Kand um 16h10 mam normalen Schoulbus heem. Ärt Kand, grad sou wéi mir, géifen eis natirlech iwwert Är Präsenz freeën. D’Maison Relais bleift och dësen Nomëtteg ab 14h00 zou.

Cette année-ci, la fête scolaire de fin d’année aura lieu vendredi le 7 juillet 2017 de 16h00 heures à 21h00 heures. Toutes les activités débuteront à 16.10 heures. Sur place, vous trouveriez toutes sortes de consommations. Vos enfants restent sous votre responsabilité. Si, le cas échéant, des parents ne sauront pas être présents à cette heure-là, leurs enfants devront rentrer en bus à 16h10 heures.

La partie scolaire de la maison relais sera fermée à partir de 14h00.

Dën Tour de France passéiërt d'Schoul um Kiemel

2017-07-03

Op dër 3. Etapp va Verviers op Longwy hat dën Tour de France eis Schoul mondes, den 3. Juli 2017 passéiërt.
Den Daag bloufen d'Kanner iwer Mëttich all an dër Schoul, wou sie van eiser Maison Relais bekästigt goufen.
We méi iwert dëst Evenement wëllt wossen kann déi folgend Linken an d'Photosgalerie opmaën!

D'Kanner aus dëm Cycle 4.2. kreië Béicher vam Comité Auschwitz

2017-07-02

Gelegentlich van dër alljährlicher Gedenkfeiër beim Juddendenkmool zu Fünfbrunnen, zu där dë Comité Auschwitz o dëst Joor rëm invitéiërt haat, kruuten d'Kanner aus dëm Cycle 4.2 va Wëntger a van Elwen Béicher iwerreecht, déi sich mat dër Thematik vam 2. Weltkrich befaassen.

An de folgenden PDF - Dokumenter gët dër méi gewaar iwert dën Aafloof van dër Cérémonie beim Denkmool an iwert d'Béicher, déi d'Kanner vam Comité Auschwitz iwerreecht kruuten.

D'Schoul va Wëntger seet dëm Comité Auschwitz van dëser Platz aus Merci fir dee schéine Geste, mat dem d'Mémoire aan dën 2. Weltkrich bei eise Kanner oprecht erhaal gët a mat dem gläichzäitig o eng Bréck geschloo gët zu dër bestehender Flüchtlingsproblematik, wéi mër së am Moment kennen.

An dër Galerie dann na eng Reih Photoën van dër Cérémonie zu Fünfbrunnen:

Lëtzebuerger Owend vam Cycle 4.2 an dër Schoul um Kiemel

2017-07-01

Fir hiren Aafschlossausfluch an eis Haaptstaat matzefinanzéiren haaten d'Kanner aus dëm Cycle 4.2 hir Familljën den 30. Juni 2017 op ee "Lëtzebuerger Owend" an dë Centre culturel op Wëntger invitéiërt.

Um Programm stungen niäwent lëtzebuerger Spezialitéiten o Präsentatiounen rondrëm d'Staat an d'Land Lëtzebuerg.
An de leste Schoulwochen haaten d'Kanner vill Recherchen rondrëm déi ënnerschidlichsten Themen gemaat, déi sie op dësem Owend a Form van engem Plakat, engem Leporello, enger Bastelaarbicht oder enger Powerpoint tëschent 6.00 a 7.00 Auër am Gang vam Centre culturel allen Intresséiërte virgestalt han.
Themen, déi hei presentéiërt goufen wooren beispillsweis: Nationalfeierdaag, d'Kasematten, d'Family of Man, d'Gemengen aus eisem Land, d'Gemeng Wëntger, ...
Um 7.00 Auër sën dun d'Diiren vam Centre culturel opgang, wou d'Kanner niäwent engem typischen lëtzebuerger Menu - Judd mat Gaaredebounen a Speckgrompren - dann o verschidden Optrëtter fir hir Familljemëmbren virbereet haaten.
Niäwend Sketcher an engem Danz haaten d'Kanner mat hirëm Léiërpersonal o eng Stee organiséiërt, wou Bastelaarbichten zum Verkoof stungen, déi d'Kanner selwer produzéiërt haaten. Dotëschent musst natiirlich o na gekacht, zervéiërt a leider o gespoult giän.
Am Loof vam Owend hat d'Eltrevereenigung dann na van dër Gelegenheet profitéiërt fir all de Kanner aus dëm Cycle 4.2 mat engem perséinliche Bouchpräis Äddi ze soën an hinnen vill Gléck zë wënschen an där weiderféirender Schoul, déi sie sich fir hir Zukunft ausgeséicht han.

Aafgeschloss gouf dën Owend mam Ligd "Lëtzebuerger Spezialitéiten", daat d'Kanner, wéi iwrigens all hir Präsentatiounen, mat vill Begeesterung virgdedroo han.

Fir eech ee klengen Abléck an dën Aafloof vam Owend ze giän, fand dër am folgende Link Photoën zu deenen eenzelnen Etappen vam "Lëzebuerger Owend."
Vill Spaas beim Kucken!