Krëppespill 2018

2018-12-25

Ënnert dër Regie vam Hoffmann Christiane haaten d’Kanner aus der Katechese mat dër Ënnerstëtzung va paar «Bäigeprafften» an de Wochen viraan Chrëstdaag o dëst Joor rëm engt Krëppespill astudéiërt.

Hëllgerowend um 16.00 Auër sollten sie dann o fir daat villt Prouwen belount giän, well dë Sall zu Nidderwampich hat sich bis op déi leste Platz mat intresséiërten Eltren a Kanner gefëllt fir beim Krëppespill «Schrëftrollen» mat dobäi zë sën.

Nodems dat de Francis Hoffmann mat senger Equipe déi ischt Ligder aagestëmmt an d’Cristiane d’Léckt am Sall begréisst haat, gouf ët dunn däischter am Sall an all d’Auën han sich op d’Bühn fokusséiërt, wou 3 kleng Meisercher probéiërt han sich iwert d’Schrëftrullen van dë Schrëftgeléiërte hiär ze maën, well sie hongrig wooren a leider näscht annischtres fir ze knabbere fond han.

Am Verloof vam Krëppespill han d’Léckt am Sall matkriit wéi wichtig dat d’Iwerliwrungen van dë Schrëftgeléiërt na ëmmer fir eis hocktig Zäit sënn. Gläichzäitig gouf ewer o d’Botschaft van dër Gebuurt Jesu vermëttelt an de Gedanken, dat mër ët op eiser Welt eigentlich misste fiärdig kreiën all «kleng an hongrig Meis» mat durchzefigdren mat deene Saachen, déi mër am Iwerfloss han.

Dë Pastouër Lubomir Fabcin an den Diakon Michel han alle Léckt am Sall Merci gesoot fir hirt Kommen är sie dono zur Kannersegnung iwer gang sën.

Noom aafschléissende  Likt "This little light of mine" hat d’Christiane d’Kanner am Sall an hir Eltren dann na opgerouf mam Bastlen a mam Fëllen van enger klenger Spaarbécks dann o déi Kanner op dër Welt ze ënnerstëtzen, denen ët nët sou gudd geet wéi äis. Dëst Joor geet dën Erléis van dëser Quête an de Peru.

D’Kanner aus dër Katechese an hir Eltren han dëm Christiane ganz am Schluss mat engem klenge Geste Merci gesoot fir säin Engagement, är du jidfereen heem gang ass, fir am Krees va senger Famill hällger Owend ze feiren.

Wenn ee klengen Androck wëllt kreiën, waat fir eng Atmoshpär d'Kanner mat hirëm Krëppespill zu Nidderwampich am Sall konnte schaafen, dee kann sich folgend Fotosgallerie aakucken!

Vill Spaass a na schéi Feierdeeg fir eech all!

Schivakanz am Ahrntal

2018-12-15

Eis Schivakanz 2018

Lost and found

2018-12-05

Chers parents,

Pendant la période des bilans nous exposerons tous les vêtements trouvés au cours du 1^er trimestre sur des tables à l’entrée de l’école.

Veuillez donc vous y rendre pour vérifier si vous ne trouvez pas des affaires que votre enfant aurait perdues.  Le dernier jour avant les vacances nous mettrons tous les objets trouvés dans un sac et nous les amènerons au centre de recyclage.

 

Merci pour votre compréhension !

La Maison Relais et l’école « Um Kiemel »

Léif Elteren,

Während der Bilanszäit stinn an der Entrée vun der Schoul Dëscher mat all den Kleeder, déi mir am 1. Trimester fonnt hunn.

Gitt w.e.g. nokucken, ob Kleeder vun Äerem Kand dobäi sinn. Den letzten Schouldag pake mir d’Kleeder an eng Tuut a brengen se an d’Kleedersammlung.

 

Merci fir Äert Verständnis!

Maison Relais a Schoul „Um Kiemel“

Besuch vam Kleeschen an der "Schoul um Kiemel"

2018-12-03

Eisem Kleeschen soën mër een décke Merci, dat ën o dëst Joër rëm sou gudd aan eis Kanner gedaacht hat.

All wooren së begeestert wéi dee gudde Mann sich den 3. Dezember bei äis an der Schoul afond hat. Moiës hat heen d'Kanner van de Cyclen 2- 4 an hire Klasse beséicht.

Nomëttes wooren déi Kleng aus dëm Cycle 1 dunn nët méi an hirëm Äifer ze bremsen an sie han dëm Kleeschen ee waarmen Empfang an dër Turnhall bereet, wéi dë Fotosdossier hei ënnenndrënner weist!

Bei senger Begréissung an der Turnhall hat de Kleeschen d'Kanner begléckwësnscht, dat sie daat ganzt Joor iwer sou brav wooren. Dën Eltren hat hee mat op de Wee giän fir sich Zäit fir hir Kanner ze huällen, heiansdo engt Gesllschaftspill mat hinnen ze maën an hinne sou mann wéi méiglich där véiëreckiger Kësten an d'Hand ze giän.

No dën Opféirunge van de Kanner gouf na engt Gruppebild mat deenen verschiddene Klassen aus dëm Cycle 1 gemaat, är all eenzelt Kand du seng verdingten Tiitchen vam Kleeschen iwerreecht krut.

Nodems dee gudde Mann dë Kanner dunn Äddi gesoot haat, hat d'Eltrevereenigung d'Eltren mat hire Kanner an eng Kaffisstuff am Hall van dër Sportshaal invitéiërt, wou dën Owend dunn bei engem gemittliche Pättchen an engem Häppchen ausklenge geloss gouf.

Daag vam Boom

2018-11-27

Gelegentlich vam "Daag vam Boom" woor de Cycle 4 op Lëlljen Hecken planzen.
D'Eltrevereenigung hat bei dëser Geleegenheet fir Eessen a Gedrénks gesuärrigt.