 | Summerfest an dër Schoul um Kiemel2022-07-09Bei excellentem Wiädder haat d'Eltrevereenigung an Zesaammenarbicht mat dër Maison Relais an dër Schoul um Kiemel den 7. Juli op hirt traditionellt Summerfest invitéiërt, nodems daat coronabedingt jo déi lest Jooren haat mussen ausgesatt giän. Zesaamen mat hirem Léiërpersonal haaten d'Kanner aus dë Cyclen 1 bis 3 flott Dänz a Ligder astudéiërt, déi sie als Start vam Summerfest am Amphitheater viraan dër Schwämm opgefouërt han. D'Kanner haaten hire Spaass bei dësen Opféirungen, obschons déi eng oder anner zimlich opgeregt wooren fir viraa sou engem grousse Publikum opzetrëdden. Mee noom Optrëtt wooren së all déck zefridden, well während dën Optrëtter an o dono han d'Léckt sie aagefeiërt an han hinnen applaudéiërt fir hir liäwig Presentatioun. No dësem musikalischen Optakt gung ët viraan mat engem Concert van dër Jugendmusik van dër Wëntger Musik, är dunn daat eigentlicht Summerfest mat Spill a Spaass fir Grouss a Kleng lancéiërt gouf. Vill Léckt haaten sich um Site afond an ha van dën Angeboter sur Place profitéiërt. Niäwent Sprangschlass, Kleeterwand, Tracteursparcours, Bällebad, Glécksrad, Intefëschen, an, an, an, haaten d'Organisateure natiirlich o fir daat leiwligt Wool gesüarrigt. Wen ët léiwer deftig haat, konnt sich beim Grill mat Thüringer, Käsebeißer, Burger, Vegiburger, Fritten... verwiänne lossen. Déi Glëstrig haaten Obst, Waaflen, Popcorn, ... am Angebot. A wen selwer wollt bëssen hannert dëm Feiër sëtzen koum um "Stockbrotstand" op seng Kästen. Géint 11 Auër goufen d'Dëscher an d'Bänken sou luäs beieneegeklappt, waat ewer nët verhënnert hat, dat sich lo na vill Gäst rondrëm den attraktive Comptoir versammelt han, fir do na déi eng oder anner Stënnchen am Stoën ze verbrengen. Alles an allem woor ët engt gelongent Fest fir all Bedeeligt a mër hoffen, dat dë Cru 2023 dann genau sou gudd wärt giän. Wen sich ee klengen Iwerbléck iwert d'Fest wëll verschaffen, kann déi folgend Galerie opmaën. Um Link hei drënner krët dër dann o d'Athmosphäre van dën Dänz mat. Vill Spaass beim Raluussen! P.s.: Well ët zimlich vill Photoën ze kucke gët, brauch d'Galerie ee Moment fir ze laaden! An der Galerie fann dër o d'Photoën, déi mam KLICKOMAT gemaat goufen. |
