AU REVOIR a vill GLÉCK op ärem neië Wee

2023-07-14

D'Etrevereenigung hat dë Kanner aus dëm Cycle 4.2. den 13.7. 2023 "Au revoir" gesoot an hat hinnen all Gudds gewënscht an hirer neiër Schoul.

Als klenge Cadeau kruuten all d'Kanner am Naam van dër Eltrevereenigung ee Bouchpräis mat op dë Wee, den sie aan hir Zäit an dër "Schoul um Kiemel" soll ërënneren.

Am Anhang fand dër paar Fotoën van dëser sympatischer Abschiedsfeiër!

O van dër Schoul um Kiemel aus wënsche mër all dë Kanner vill Spaass an Erfollig op hirem neië Wee an dat sie vill nei Frënn an hire jeweiligen neië Schoulen wärte fannen.

Dobäi sollen sie ewer nët déi flott Zäit vergeessen, déi sie an hirer "aaler" Schoul verbraacht han.

An hoffentlich fannen sie all ganz séiër dë Wee zréck an d'Schoul um Kiemel, wa mër ab September 2024 "50 Joor Schoul Wëntger" feiren wärten!

Wen well bësse méi iwer d'Feierlichkeeten zu "50 Joor Schoul Wëntger" wëll wossen kann de PDF am Anhang opmaën.

All dë Kanner aus dër Schoul van dëser Platz aus na eng erholsam Vakanz, wou vill Zäit bleiwt fir nei Energie ze tanken, fir daat waat na kënnt!

Béicher fir eis Kanner vam Cycle 4.2., offréiërt vam Comité Auschwitz

2023-07-02

Den 2. Juli 2023 hat de Comité Auschwitz bei d'Denkmool op Fünfbrunnen invitéiert, fir do an der Presenz van dem Unterrichtsminister, dem Här Claude Meisch an dem Chamberspresident, dem Här Fernand Etgen, aan déi ronn 300 Judden ze erënneren, déi am 2. Weltkrich va Fünfbrunnen aus an d'Konzentratiounslageren deportéiert goufen.

Am Anhang fannt dir als PDF de genaue Programm van dëse Feierlichkeeten.

Direkt no der Commémoratiounsfeier gouf dann o na de neie "Parcours mémoriel" va Fünfbrunnen duerch d'Hären Meisch an Etgen ageweit, op dem intresséiert Schoulklassen ewer o all privat Visiteurs mat Panneauen an op virtuell Aart a Weis duerch d'Geschicht vam Klouster Fünfbrunnen am 2. Weltkrich gefouert giän.

Fir eis Schoul an dem Kontext ervirzehiäwen ass d'Tatsaach, dat dë Comité Auschwitz, wéi all Joer, de Kanner aus dem Cycle 4.2. aus dë Schoulen va Wëntger an Elwen engt Bouch offréiërt, wou op kandgerecht Art a Weis op d'Grugelzichkeeten aus dem 2. Weltkrich hegewisen gëtt.

Als Schoul soe mer dem Comité Auschwitz van dëser Platz aus Merci fir dësen Don, mat dem d'Erënnerung aan déi däischter Kapitelen aus eiser méi junker Mënschheetsgeschicht bei eise Kanner waakrig gehale gëtt, fir an Zukunft ähnlichen Grugelzichkeeten kannen virzebeugen.

Mam Anisa op Weltrees

2023-06-14

„An der Maison Relais ginn mir zesummen op eng Weltrees. Dobäi kucken mir eis verschidden Länner un an déi mir gären reesen wëllen an maachen Aktivitéiten dozou“. Ënnert dësem Motto stoung dem Anisa, enger Schülerin aus dem LTPES, säin Stage. Während en puer Wochen hun d’Kanner sech mat Länner wéi Brasilien, Türkei, Amerika a Marokko beschäftegt a unhand vun flotten Aktivitéiten, wéi z.B. landestypescht Eessen preparéieren, villes dobäi geléiert. Zum Schluss ass eng Weltkaart entstanen wou eis Kanner hiert Ursprongsland markéiert hunn.

Bouchpräis vam "Comité Auschwitz" fir de Cycle 4.2.

2022-07-04

Gelegentlich van dër Comémoratiounsfeiër beim Denkmool zu Fünfbrunnen hat de "Comité Auschwitz" den 3. Juli alle Kanner aus dëm Cycle 4.2. engt Bouch geschenkt, wou d'Thematik van dër Juddeverfolgung an irgendenger Form opgegraff gët. Leider konnten d'Kanner an d'Léiërpersonal aus dëm Cycle 4.2. nët perséinlich bei dër Feiër dobäi sën, well sie richt fregdes aus hirer Vakanz an dë Vogesen zréck komm wooren. Stellvertretend fir sie hat dë Buergermeester Marcel Thommes d'Béicher vam Präsident vam "Comité Auschwitz", dëm Här Marc Schoentgen, entgéintgeholt, fir de Kanner së mat op Wëntger an d'Schoul ze huällen, an së hirer Bestëmmung ze iwergiän. Dëm "Comité Auschwitz" een décke Merci fir dëse generéise Geste, mat dem d'Mémoire bei eise junke Generatiounen aam Liäwen  gehaal gët.
Photoën zur Comémoratiounsfeiër fand dër an dër Galerie hei drënner.
Wegder Infoën iwert dën Zentrum Fünfbrunnen fand dër o an där selwischter Galerie.

En Internetsite mat Infoën zum Zentrum a sengen Aktivitéiten www.cinqfontaines.lu gët aktuell opgebaut.

Vakanz vam Cycle 4.2. an de Vogesen

2022-06-09