News
Nees zesummen an d'Klass | Reconstitution des groupes classe
2020-06-21
|
|
Méi Fräiheete fir eis Kanner! Nei Reegele fir d'Spillen dobaussen an am Schoulhaff, Réouverture vun de Spillplazen a vun de Vakanzaktivitéiten
2020-06-10Kand sinn heescht fräi sinn. De Kanner hir Fräiheet ass an de leschte Wochen uerg strapazéiert ginn an si hunn op villes misse verzichten. D'Evolutioun vun der Pandemie zu Lëtzebuerg erlaabt et, de Kanner an de Jonken nees eppes zeréckzeginn.
D'Spillplazen dobausse gi virum Weekend nees op. Fir d'Kanner ënner 13 Joer gëlle keng weider Virschrëften, si brauchen also kee Mondschutz an si musse keng Distanzreegele respektéieren. Dëst erlaabt richtegt Spillen, sou wéi d'Kanner et eigentlech gewinnt sinn.
Kachbuch vum verdreemte Chef / Livre de cuisine du "verdreemte Chef"
2020-06-09Moien, ech sinn de “verdreemte Kach” aus der “Villa Reebou” vum Cycle 1.2 zu Wëntger.
Während dem “Confinement” war et net ëmmer cool ouni Kollegen.
Dofir hunn ech mat menger Mamma a Pappa e Kachbuch gemaach fir d´Rezepter vun de gudde Saachen och anerer ze ginn.
De ganze Gewënn vum Verkaf vum Kachbuch gëtt un d’Associatioun «Le Soleil dans la main» gespent fir do de Kanner ze hëllefen.
Kachbuch vun 52 Säiten mat ville leckere Rezepter
vum Aron Marbes, 5 Joer.
PUB_Kachbuch_Aron.pdf
25.5.2020: Reprise van dër Schoul
2020-06-08Hockt wor also déi ominéis "Reprise" van eiser Schoul, iwer déi am Virfeld vill geschwatt, geschriwen, geplangt a gebangt gouf.
Dank enger gudder Organisatioun va Säiten van eisem Comité a van dër Gemeng ass dë Moiën ewer alles wéi am Schnürche geloof.
Sëcherlich woor jidferen bëssen opgeregt an d'Masken an d'Distanzanhaalen hat bestëmmt o nët zu enger ganz entspannter Atmoshär bäigedroo, an dach hat dunn alles säi normale Wee geholt an d'Kanner wéi d'Léiërpersonal woore frou, dat ët endlich rëm konnt lass goën ouni Teams, Whatsapp, Léiervideoën, Enveloppen verschécken, ...
O d'Gemengeresponsabel wooren dë Moiën um Rendez-vous fir sich zë vergewësseren, dat alles ging gudd loofen, a géint halwer 9, wéi all d'Kanner sich an dë Klassen installéiërt an d'Fanger fir d'ischte Kéiër grëndlich gewäsch haaten, konnt ët dunn mam méi oder manner "normalen" Schoulbetrieb lass goën.
Fir eech ee klengen Abléck an dën Aafloof vam dach ongewiännte Schoustart ze giän, hei da paar Photoën.
» Galerie
Back@school
2020-05-21Léif Schülerin,
Léiwe Schüler,
Momentan gesäis du deng best Frënn, Klassen-a Schoulkollegen nik. Dofir hu mir eis
geduecht, dass dir eech a Form vun engem Steen alleguerten nees an der Schoul méi no
komme kënnt.
Dër sët zwar na nët an dër Schoul aakomm, mee mëttlerweil sën är Steng well zu Wëntger am Haff geland, dank dëm Edy Weber an dëm Laurent Winkin, déi së am Haff auserneelgelaacht han, nodems d'Gemengenaarbichter d'Steng an dër ganzer Gemeng agesammelt haaten.
Op dë Photoën an dër Galerie kann dër d'Resultat bewonneren.
Chers élèves,
Actuellement, tu ne vois pas tes meilleurs amis et camarades de classe. Nous avons donc
pensé de vous rassembler à l’école sous forme de pierres.
Vous, chers enfants, vous n'êtes pas encore arrivés à l'école de Wincrange, mais vos pierres le sont déjà, grâce aux ouvriers communaux qui les ont ramassés près des églises et grâce à Edy Weber et à Laurent Winkin, qui les ont déposés dans la cour de l'école.
Dans la galerie en annexe vous pouvez admirer le résultat!
